8.അവിയല്‍-Aviyal

ചേരുവകള്‍:

ചേന, വെള്ളരിക്ക, പപ്പായ, പച്ചക്കായ, ഉരുളക്കിഴങ്ങ് ,സെലറി, ചേമ്പിന്റെ തണ്ട്, കാരറ്റ്, പയര്‍, ബീന്‍സ്, ചീരത്തണ്ട്, പച്ചമാങ്ങ, മുരിങ്ങാക്കായ ,പച്ചമുളക് കീറിയത് 4എണ്ണം (എന്നിവയെല്ലാം ഏകദേശം അര ഇഞ്ചു നീളത്തില്‍, കുഉടുതല്‍ കട്ടിയില്ലാതെ മുറിച്ചു കഷ്ണങ്ങളാക്കുക-.3 or4 cupകഷ്ണങ്ങള്‍

മഞ്ഞള്‍ പൊടി -1/4teaspoon

മുളക് പൊടി -1/4teaspoon

അരപ്പിനു ആവശ്യമായവ :

തൈര് -2കപ്പ്,

തേങ്ങ ചിരകിയത്- ഒരു മുറി,

വെളിച്ചെണ്ണ, -2teaspoon

കറിവേപ്പില

ഉപ്പ് -ആവശ്യത്തിനു

കഷ്ണങ്ങള്‍ വെള്ളം കുടഞ്ഞു ,മഞ്ഞള്‍പ്പൊടിയും മുളക് പൊടിയും ആവശ്യത്തിന് ഉപ്പും ചേര്‍ത്തു ,അടച്ചു വെച്ചു ആവിയില്‍ (ചെറുതീയില്‍) വേവിക്കുക.

കഷ്ണങ്ങള്‍ വേവുന്ന സമയം കൊണ്ട് അരപ്പ് തയ്യാറാക്കാം -തേങ്ങ ചിരകിയതും ഉടച്ച തൈരും പച്ചമുളകും കറിവേപ്പിലയും കു‌ടി ചതച്ചു അരച്ചത്‌. (അരപ്പ് ഒന്ന് ചതച്ചരച്ചാല്‍ മതി കുഉടുതല്‍ അരയേണ്ട)

കഷ്ണങ്ങള്‍ വേവായാല്‍ അതിലേയ്ക്ക് അരപ്പ് ചേര്‍ക്കുക. അരപ്പ് ചേര്‍ത്ത ശേഷം നന്നായിട്ട് ഒന്നു ഇളക്കി ചേര്‍ക്കുക. (തവികൊണ്ട് കൂടുതല് ഇളക്കാതിരികുക.കാരണം കഷ്ണങ്ങള്‍ ഉടഞ്ഞു പോവുന്നതാണ്). വളരെ ചെറു തീയില്‍ ഒരു മിനിറ്റ് വേവിച്ചു അതിലേക് അല്പം വെളിച്ചെണ്ണ തൂവി , കുറച്ചു കറിവേപ്പിലയും പൊട്ടിച്ചിട്ട് അടച്ചു വെയ്ക്കുക.

അവിയല്‍ തയ്യാര്‍.

Note:കൊഴുപ്പുപ്പില്ലാത്ത പച്ച ക്കറി കളാണ് അവിയലിന് ഉചിതം (വെണ്ടയ്ക്ക,വഴുതനങ്ങ,എന്നിവ ചേര്‍ക്കാതിരികുന്നതാണ് നല്ലത്)